भद्रपुर, ९ वैशाख । लामो समयदेखि लोडसेडिङको मारमा परेका पूर्वाञ्चलवासीको लागि भोलिदेखि विद्युत आपूर्ति दिनभरि नियमित हुने भएको छ ।

भारतको बिहार राज्यको कटैया पावर हाउसबाट भोलिदेखि पच्चीस मेगावाट विद्युत आपूर्ति हुने सम्भावना रहेकाले भोलिदेखि सम्भवतः दिनको लोडसेडिङ हट्ने अनारमणि सव-स्टेसनका प्रमुख हरिबहादुर कोइरालाले बताउनुभयो ।

विद्युत आपूर्तिलाई सहज बनाउनका लागि कमजोर रहेको ठाउँमा डबल र्सर्किटको तार जडान गर्ने काम अन्तिम चरणमा रहेको र भोलिदेखि दिनको लोडसेडिङ हट्ने र रातको लोडसेडिङ यथावत रहने जानकारी उहाँले गराउनुभयो ।

लहानदेखि पूर्वको पूर्वाञ्चल क्षेत्रमा दिनको लोडसेडिङ हट्ने उहाँले बताउनुभयो । झापा जिल्लामा दैनिक सात घण्टा लोडसेडिङ हुने गरेको छ । जसका कारण गर्दा उद्योगधन्दालगायतका क्षेत्र प्रभावित रहेको छ ।