आजवाट एमाले सत्ताधारी दलवाट प्रतिपक्षमा जाने तयारीमा छ । संविधान सभा चुनावमा अकल्पनिय पराजय पाएपछि तिल्मीलाएको एमाले अहिले यसको रिस सरकारवाट बाहिरिएर पोख्ने तयारीमा लागेको छ । सरकारवाट बाहिरिने तयारी गर्दा उसले विर्सिरहेछ बृहत शान्ति सहमती लगायतका सहमति पत्र जसमा शान्ति प्रकृयालाई टुंगोमा नपुर्याएसम्म संयुक्त सहकार्य गर्ने उल्लेख छ । हारेर पनि सरकारमा बस्दा पदका लोभि भएको प्रतिकृया आउने भयका कारण एमाले अहिले हतारिएको झै देखिएको छ । विडम्बना नै यही हो । यो चुनाव सरकार ढाल्न र बनाउनका लागि हैन भन्ने सबैलाइ थाहा छ । यो त संविधान सभा लेख्नका लागि हो । त्यसैले नयां संविधान नलेखिएसम्म सात दलको एकता कायमै रहनुनै बुद्धीमतापुर्ण काम हो ।
लज्जाजनक पराजय एमालेको मात्र हैन,काग्रेसको पनि त भएको छ । एमालेको सिको गर्दै कांग्रेसपनि सरकारवाट बाहिरिने अनी भोलि सडकमा गएर माओवादी विरुद्ध मोर्चा कसेर सानो सानो कुरामा हिजो माओवादीको ब्यबहारको सिको गर्दै सकडमा उत्रिने काम गर्ने हो भने यो मुलुकमा २ वर्षभत्र हैन २ दशकमा पनि जनताद्धारा जनताका लागि बनाएको संविधान आउनसक्दैन ।
सबैले बुझेको कुरा हो जसरी संविधान सभाको चुनाव सम्पन्न गर्नुभन्दा ठुलो चुनौति हो नयां संविधान बनाउने । संविधान सभाको पहिलो बैठकवाट राजा फाल्ने निर्ण्र्ााा साथै त्यसको कार्यान्वयनको पक्ष जीवीतै छ । संघियताको संरचनाको मुद्धा ज्युदै छ । टाउको खाने विषय भनेको यही नै हो । यि र यस्ता विषयमा राष्टिय सहमति विनानै कुनै एक दलले मात्र संविधान लेख्न सक्दैन नै । त्यसैले २००७ सालमा आइसकेको संविधान सभा दलहरुको आपसि खिचातानीका कारण हुनै सकेन ।
अहिले दलहरु संविधान सभा भएपछि खिचातानीमा उत्रिने संकेत देखिएको छ । यदी संविधान सभा बसिसक्दा पनि संविधान बनेन भने त्यसको दोष सबै दलले पाउने त पक्कै हो । त्यसमा पनि हतारिएर जो असहज वातावरण बनाउन हिड्ने छ दोषको भारी उसको नै ठुलो हुने पक्का छ । त्यसैले बुहमत र अल्पमतको सरकारको व्यवहार त्यागेर कमसे कम संविधान नलेखिएसम्म, सेना व्यवस्थापनका मुद्धा नसल्टीएसम्म सात दलविचको एकता कायमै रहनु आवश्यक छ ।
