यतिमात्रै होइन अझै  के-के हुन्छ  हेर्दै जाऊ

आगो बिस्तार बल्दै छ ज्वाला दन्किन्छ हेर्दै जाऊ

जङ्गल सखाप भइसक्यो बस्ती उजाड बन्दैछ

चारैतिर धुवाँको  मुस्लो उडेको  हेर्दै जाऊ

भाँडोमा भक्भकी तेल उम्लिरहेको छ

पोल्दै दुनियाँलाई सखाप पार्छ हेर्दै जाऊ

जे जस्तो चलिरहेछ वर्षौंको चाल यै हो

मत्स्यन्यायभन्दा राम्रो अर्को हुन्न हेर्दै जाऊ

सत्यले जित्नुपर्छ असत्य हार्नुपर्दछ

नत्र अव चाँडै प्रलय हुन्छ- हेर्दै जाऊ ।

कमलाकुञ्ज दियाले-३, ओखलढुङ्गा